BIDE HEZIKETAN TREBATZEN

Aurtengo ikasturten ere, Nafarroako Foruzainen laguntzarekin, Lehen Hezkuntzako 5. eta 6. mailako ikasleak bide heziketaren inguruko formazioa jasotzen ari dira. Ikasle hauek bi saio egin dituzte guztira: bata teorikoa, gela barruan, eta bestea praktikoa, Ikastolako patioan. Urtero bezala, esperientzia interesgarri eta parte hartzailea izan da ikasleentzat.

BERTSOTAN HASI DIRA BIGARREN HEZKUNTZAN

“Bertsolaritza irakaskuntzan” programa bertsolaritza gauzatzea helburu duen proiektua da, Nafarroako Bertsozale Elkarteak aspaldi martxan jarritakoa herrialde osoan. Bertan, gure kulturaren parte den bertsogintzaren eta ahozkotasunaren transmisioaz gain, ikasleen euskarazko komunikazio gaitasunak ere lantzen dira. Bertsoa ardatz izanik, hainbat gai eta balore lantzen dituzte gelan, ikasleen ongizaterako eta garapen pertsonalerako. Iker Gorosterrazu bertsolaria, gure ikastolan dabil lanean, egitasmoa aurrera ateratzen, hain zuen DBHko 1.mailako ikasleekin burutuko dena.

FIE INGELESEKO INMERTSIO LINGUISTIKORAKO SAIOAK PRESTATZEN HASI GARA

Dagoeneko ikastolan prestaketa lanetan hasiak dira, urtero bezala, FIE inmertsio lingustikorako egitasmoa martxan jartzeko. Azken urteetan bezala, iraileko lehenbiziko bi asteetan eta egun osoan zehar, Lehen Hezkuntzako 5. mailako ikasleak programa honetan murgilduta izango dira, ingelesez solasteko ikastolan.

2016-2017 Ikasturterako gida

Ikasturte berria laster hasteko prestaketak egiten ari gara eta informazio baliotsua biltzen duen Ikasturteko Gida eskuera duzue web orrian. Eta laister zuen etxeetan jasoko duzue gidaren kopia bat.